Жозе Моуриньо: «Ибрагимович «Олтин тўп»ни қўлга киритиши мумкин»
04 mar 2017 10:25
News

Жозе Моуриньо: «Ибрагимович «Олтин тўп»ни қўлга киритиши мумкин»

«Манчестер Юнайтед» устози Жозе Моуриньо Златан Ибрагимович ҳақида ўз фикрларини билдирди.

«У қилаётган иш ғаройиб: урган голлари сони, «Уэмбли»даги иккита гол, совринлар, унинг жамоадошлари учун ёрдам.

Ўйлашимча, Ибрагимович шунчаки феноменал. Бошқа сўз топа олмадим.

Криштиану Роналду ва Лионель Месси ҳақида жуда яхши биламан, аммо ажойиб фаолиятга эга бўлган Златан нима учун «Олтин тўп»ни олмаганини тушунмайман.

Нима учун бу мавсум шуни амалга ошириш мумкин эмас? Агар Ибрагимович Европа лигаси финалига қадар етиб борса ва совринлар ютса, нима учун 35 ёшли футболчига ҳақли соврин берилмаслиги керак?» – дейди Моуриньо.