Latest news

00:54Расман: Поль Погба - "Монако" футболчиси!  2 00:36Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"  1 00:12Клублар ўртасидаги ЖЧ. "Бенфика" - "Челси" баҳси асосий таркиблари маълум!  2 00:10Мирко Йеличич: "Биз 60 дақиқа яхши ўйнадик"  0 23:55Суперлига. Алибоев супергол урган баҳсда "Нефтчи" "Қизилқум" билан дуранг ўйнади, "Навбаҳор" эса "Машъал"ни йирик ҳисобда енгди  0 23:51Клублар ўртасидаги ЖЧнинг биринчи чорак финалчиси маълум!  0 23:38Виталий Левченко: "Агар реализация яхшироқ бўлганида, ўйин натижасини ҳал қилиб бўлган бўлар эдик"  15 23:23Сергей Лушчан: "Мавсум аввалида бизда аниқ бир мақсад йўқ эди, ҳозир эса... Футболчимизда хориждан таклиф бор"  6 22:50Уильямсни сотиб олса ҳам "Барселона" Рэшфордни трансфер қилишга уриниб кўради  5 22:31Фарҳод Нишонов: "Бир нечта футболчиларимизда Суперлигадан клубларидан таклифлар бор"  0 22:13Асрор Алиқулов: "Чарчоқ ёки иссиқ ҳаво деган гаплар қуруқ баҳона. Ҳар бир учрашув ҳам ўхшайвермайди"  4 21:57Суперлига. "Қизилқум" сўнгги дақиқаларда гол уриб, "Нефтчи"ни ғалабадан маҳрум қилди  70 21:21ПроЛига. "Олимпик Мобиуз" "Олимпик" дарвозасига жавобсиз 4та гол урди ва пешқадамликни қўлига олди  1 20:55Суперлига. "Навбаҳор" ўз майдонида "Машъал"га жавобсиз 6 та тўп йўллади, Ғуломовда дубль, Жияновда 3 та ассист!  67 20:16Тер Штеген "Барселона"да қолмоқчи  0

Жорже Жезуш: "Навбаҳор" кейинги босқичга чиқишга лойиқ жамоа эканлигини исботлади" News

Жорже Жезуш: "Навбаҳор" кейинги босқичга чиқишга лойиқ жамоа эканлигини исботлади"

Осиё чемпионлар лигаси 5-турида "Навбаҳор" - "Ал Ҳилол" (0:2) учрашувидан сўнг меҳмонлар бош мураббийи Жорже Жезуш ва футболчи Сергей Милинкович-Савич матбуот анжуманида иштирок этишди.

- Яхши ўйин ўтказдик ва уч очкони қўлга киритдик. Кейинги босқичга чиқдик ва бор эътиборимизни кейинги учрашувларга қаратамиз.

- "Навбаҳор" жамоаси жамоангизга қарши кечган икки учрашувда ҳам рақиб зич ҳимояланди. "Навбаҳор"нинг ҳимоясини ёриб ўтиш қанчалик қийин бўлди?

Сергей Милинкович-Савич: - Мураббийнинг барча кўрсатмаларини бажардик ва қониқарли натижага эришдик. Ўйин аввалида рақиб бизни қийнаб қўйди, аммо гол уриб олганимиздан сўнг ўйин анча ҳужумкор тус олди. "Навбаҳор" жамоаси икки учрашувда ҳам анча тартибли ўйин намойиш этди.

- Наманган шаҳри ҳақида нима дея оласиз? Жамоа ҳақида ҳам фикрингизни билдириб ўтсангиз?

- Шаҳарни айланишга деярли вақт бўлмади, сабаби биз фақатгина икки кун шу ерда бўлдик ва меҳмонхонадан чиқмадик. "Навбаҳор" жамоаси эса анча яхши жамоа экан.

- "Навбаҳор"га қарши кечган биринчи учрашувдан сўнг жамоани яхши ўрганиб чиққанингиз сезилди. Биринчи учрашувдан қандай хулосалар чиқардингиз?

- Ҳа, биринчи учрашув биз учун қийин ўтганди. Қарши ҳужумларга эътибор қаратдик. Футболчиларнинг майдондаги ҳаракатлари ва тўп билан муомалани кучайтиришимиз керак эди.

- Ўз гуруҳларида иккинчи ўринни эгаллаган учта жамоа плей-офф босқичига чиқади. Сизнинг фикрингизча "Навбаҳор" кейинги босқичга чиқишга лойиқми?

- "Навбаҳор"нинг яна битта учрашуви бор. Фикримча "Навбаҳор" жамоаси кейинги босқичга чиқишга лойиқ.

- Қуръа ташланганидан сўнг "Ал Ҳилол"га анча осон рақиблар тушганди. Ушбу гуруҳда "Ал Ҳилол"дан ташқари барча жамоалар ОЧЛда дебют қилишди. "Навбаҳор" жамоаси "Ал Ҳилол"га катта муаммо бўла олишини кутганмидингиз?

- "Навбаҳор" 16та энг кучли жамоа орасида бўлиши керак. Жамоангиз бизни ҳайрон қолдирди ва улар ушбу мусобақада "сюрприз" бўла олади.

- "Навбаҳор" таркибидаги қайси футболчи сизда яхши таассурот қолдирди?

- Мен айнан қайсидир футболчини кўрсатиб ўтолмайман. Лекин "Навбаҳор" жамоа сифатида жуда яхши шаклланган. "Навбаҳор" жамоаси ҳақида фақатгина яхши фикрлар айта оламан.

- Салим Ал-Давсари жамоадан асосий пенальтичими? У бугун иккита пенальтидан фойдалана олмади.

- Бугун иккита пенальтидан бирини голга айлантира олдик ва энг муҳими шу.


Rating: +5   

Comments

championat.asia
< show latest news
Яндекс.Метрика