Жонли эфир, жонли мулоқот...

Ҳамиджон Ғуломович билан каттароқ суҳбат ташкил қилишни анчадан бери режалаштириб қўйгандик. Бироқ ўйинлар, вақт масаласи ва яна баъзи сабабларга кўра, интервью амалга ошмай келаётганди. 

Ва ниҳоят бугун интервью бўладиган кун экан. Соат 16:00дан бошлаб интервью Youtube каналимизда жонли (онлайн) тарзда олиб борилади. Суҳбатни жонли ўтказишни Ҳамиджон Актамовнинг ўзлари таклиф қилди, мухлисларда ҳам менга бериладиган саволлар кўп, ҳаммасига бугун жонли эфирда жавоб бераман дедилар. Бундай таклифни табиийки биз ҳам қабул қилдик. 

Шундай экан, Ҳамиджон Актамовга қандай саволларингиз бўлса, бемалол шу хабар тагига изоҳ сифатида қолдиришингиз мумкин. Бундан ташқари жонли мулоқот пайтида Youtube саҳифамизга келадиган саволлар ҳам жавобсиз қолмайди.