Жиззахда “Келажагимиз умидлари” футбол фестивали бўлиб ўтди

Унда вилоятнинг барча туманларидан 1-4 синфгача бўлган 400 нафардан зиёд умумий таълим мактаби ўқувчилари қамраб олинди. Тадбирнинг бош ташкилотчиси ҳисобланган Жиззах вилоят футбол федерацияси биринчи вице президенти Анвар Мусулмонов бошчилигида ёшларга сертификатлар ва тўплар совға қилинди.

-Ушбу фестивалнинг ўтказишдан мақсад мактаб ўқувчилари ўртасида футболни оммалаштириш, соғлом ҳаёт тарзини тарғиб қилиш, энг асосийси уларнинг бўш вақтларини мазмунли ўткзишдир. Биз йил давомида вилоят халқ таълими бошқармаси билан биргаликда вилоятимиздаги барча умумий таълим мактабларида футбол мусобоқаларни ўтказишни келишиб олдик. Ўйлайманки, бу тадбирлар орқали вилоятимизда футбол янада оммалашади-дейди Жиззах вилоят Футбол Федерациясинг  биринчи вице президенти А. Мусулманов.

Жиззах вилоят ФФ матбуот хизмати