ЖЧда жамоалар кўпайиши ФИФАнинг даромадини оширади
07 jan 2017 03:39
News

ЖЧда жамоалар кўпайиши ФИФАнинг даромадини оширади

Футбол бўйича Жаҳон чемпионатида иштирок этувчи жамоалар сонининг 32 тадан 48 тага кўпайиши Халқаро Футбол федерацияси (ФИФА)га қўшимча 640 миллион доллар даромад келтиради.

Бу ҳақда ТАСС агентлиги Франц Прессга асосланиб хабар бермоқда.

Аввалроқ ФИФА президенти Жанни Инфантино 2026 йилги Жаҳон чемпионатидан бошлаб мусобақада 48 та жамоа 16 та гуруҳга бўлинган ҳолда иштирок этишини режалаштираётгани ҳақида айтилганди.

Агентлик маълумотларига қараганда, агар ушбу ўзгариш амалга оширилса, ФИФАнинг мусобақадан соф даромади, 2018 йилги Россияда ўтадиган ЖЧ якуни билан 4,18 миллион долларни ташкил этади. Таъкидланишича, жамоалар иштирокининг кўпайиши ташкилот харажатларини 325 миллион долларга оширади.

Инфантино ушбу таклифини 9-10 январь кунлари Цюрихда ўтадиган ФИФА кенгаши йиғилишида тақдим этади. Илгарироқ ФИФА кенгаши ЖЧда иштирокчилар сони кўпайтириш ғоясини ижобий қабул қилганди. Яқин йиллардаги иккита жаҳон чемпионати - Россия-2018 ва Қатар-2022 да одатдагидек 32 жамоа иштирок этади.

Link :

Source : France Press

Receive latest football news directly on your phone. Subscribe for our Telegram channel!

Rating: +2