ЖЧ-2022 саралаш босқичи. "B" гуруҳи жамоалари

Маълумки, саралашнинг ушбу босқичида 40та жамоа қатнашади. Жамоалар бештадан 8 гуруҳга бўлинган. Гуруҳ ғолиблари ҳамда энг яхши тўртта иккинчи ўрин эгаси кейинги босқичга йўл олиш билан бирга Осиё Кубоги-2023 йўлланмасини ҳам қўлга киритади. 

Қуйида "B" гуруҳи жамоаларига тўхтатиб ўтамиз. Бу гуруҳда Австралия, Иордания, Хитой Тайпейи, Қувайт ва Непал ўзаро баҳс олиб боради. 

АВСТРАЛИЯ

ФИФА рейтингидаги ўрни: 46

Осиё Кубогидаги энг яхши натижаси: Чемпион (2015) 

Жаҳон чемпионатидаги энг яхши натижаси: 1/8 финал (2006) 

Бош мураббий: Грехэм Арнольд (Австралия)

Австралия гарчи ЖЧ-2018да гуруҳдан чиқа олмаган ҳамда Осиё Кубогида чорак финалда ўз юришини тўхтатган бўлса-да, барибир Осиёнинг энг кучли жамоаларидан бири ҳисобоанади. Шубҳасиз, Австралия терма жамоаси 2022 йил Қатарда бўлиб ўтадиган мундиалга бориш учун энг асосий номзодлардан бири. 

ИОРДАНИЯ

ФИФА рейтингидаги ўрни: 99

Осиё Кубогидаги энг яхши натижаси: Чорак финал (2004,2011) 

Жаҳон чемпионатидаги энг яхши натижаси: Ҳали чиқмаган 

Бош мураббий: Витал Боркельманс (Бельгия)

Иордания Осиё Кубоги-2019 гуруҳ босқичида Австралияни мағлуб этиб ўзига хос сенсация кўрсатди. Жамоа бош мураббийи Витал Боркельманс жамоани шакллантириш устида қаттиқ меҳнат қиляпти. 

ХИТОЙ ТАЙПЕЙИ

ФИФА рейтингидаги ўрни: 125

Осиё Кубогидаги энг яхши натижаси: 3-ўрин (1960) 

Жаҳон чемпионатидаги энг яхши натижаси: Ҳали чиқмаган 

Бош мураббий: Луис Ланкастер (Англия)

Гуруҳда Хитой Тайпейига осон бўлмайди. Лекин шу йилнинг январь ойида терма жамоани қабул қилиб олган Луис Ланкастер бошқача фикрда. Англиялик мураббий ўз жамоаси билан ҳеч бўлмаса Осиё Кубогига боришни мақсад қилган. 

ҚУВАЙТ 

ФИФА рейтингидаги ўрни: 156

Осиё Кубогидаги энг яхши натижаси: Чемпион (1980) 

Жаҳон чемпионатидаги энг яхши натижаси: Гуруҳ босқичи (1982) 

Бош мураббий: Ромео Йозак (Хорватия)

ФИФАнинг дисквалификация қарори туфайли Қувайт терма жамоаси маълум муддат катта футболдан четда қолди. Эндиликда бу жамоага яна халқаро майдонда тўп тепиш имкони берилди. Қувайт буёғига аввалги мавқеини тиклашга ҳаракат қилади. 

НЕПАЛ

ФИФА рейтингидаги ўрни: 166

Осиё Кубогидаги энг яхши натижаси: Ҳали қатнашмаган

Жаҳон чемпионатидаги энг яхши натижаси: Ҳали чиқмаган 

Бош мураббий: Йохан Калин (Швеция)

Бошқалар қатори Непал ҳам нимагадир эришишга умид қилмоқда. Бу жамоа асосан уй учрашувларида очко йиғишга ва шу орқали ўз мухлисларини хурсанд қилишга уриниб кўради. 

Сентябрь ойида бўладиган ўйинлар: 

5 сентябрь

Хитой Тайпейи - Иордания

Қувайт - Непал

10 сентябрь

Қувайт - Австралия

Хитой Тайпейи - Непал

ЖЧ-2022 саралаш босқичи. "A" гуруҳи жамоалари