ЖЧ-2022. Қаҳрамонлик кўрсатиш навбати Жанубий Кореяга. Уругвай ва Гана уйга қайтади ("H" гуруҳи якунлари)

Қатарда ўтказилаётган мундиалнинг навбатдаги гуруҳида ўйинлар якунланди. "H" гуруҳида Жанубий Корея терма жамоаси Португалияни фантастик тарзда мағлуб қилиб, плей-оффга йўл олди ва Осиёнинг гуруҳдан чиққан навбатдаги жамоасига айланди. Гуруҳнинг иккинчи учрашувида Уругвай Ганани мағлубиятга учратди, аммо тўплар нисбатига (урилган голларнинг камлиги) кўра Жанубий Кореяга ютқазиб турнирни тарк этди. Гана эса ўз-ўзидан тўртинчи ўрин билан мундиалдаги иштирокини якунлади.