ЖЧ-2018 саралашидаги Ўзбекистоннинг гуруҳдоши КХДР билан дуранг ўйнади

Голларга бой бўлган ўйинда 2:2 ҳисобидаги жанговар дуранг қайд этилди. Аввалроқ “А” гуруҳи иштирокчиларидан Сурия терма жамоаси Уммон билан (1:1) дуранг ўйнагани, Эрон термаси эса Подгорица шаҳрида Черногорияни 2:1 ҳисобида мағлубиятга учратгани ҳақида хабар берилганди.

Ўз навбатида Ўзбекистон терма жамоаси Тошкентда Таиланд футболчилари билан ўртоқлик ўйини ўтказиб, 2:0 ҳисобида ғалаба қозонди. Юқоридаги барча ўйинлар ЖЧ–2018 “А” гуруҳи 8-турига тайёргарлик вазифасини ўтади.

Эслатиб ўтамиз, “А” гуруҳи 7-туридан кейин Эрон 17 очко билан пешқадамлик қилаётган бўлса, 13 очко жамғарган Жанубий Корея иккинчи поғонада бормоқда. Ўзбекистон терма жамоаси 12 очко билан учинчи ўринни банд қилган. 4–6 ўринларни мос равишда Сурия (8 очко), Хитой (5 очко) ва Қатар (4 очко) термалари эгаллаган.