Жавоҳир Соҳибов: “Ўйинимизни яхшилаб боряпмиз”

- Ўйинга жиддий тайёргарлик кўргандик. Рақибнинг кучли ва кучсиз тарафларини тўлиқ ўргандик ва бу бизга фойда келтирди. Мураббийимиз кўрсатмаларини тўғри бажардик. Аста-секин ўйинимизни яхшилаб боряпмиз. Биринчи гол урилгунга қадар “Қўқон-1912” жамоаси ҳам яхши ўйнади. Сўнг устунликни қўлга олдик. Рақибга кейинги баҳсларда омад тилайман. Мурод Исмоилов устозим, шу сабабли унга ва жамоага навбатдаги ўйинларда ғалаба тилайман. Ўзим ҳам қўқонлик бўлганим учун бу жамоага қарши ўйнаш бошқача бўлди.

Қўқон - тарихий шаҳар. Келажакда “Қўқон-1912”нинг юқори ўринлар учун курашишини хоҳлайман. Чунки жамоа ажойиб мухлислари ва шаҳри билан бунга муносиб.
Кейинги ўйинни Чемпионлар лигасида “Тракторсози” билан ўтказамиз. Ғалабани эсдан чиқариб, ўша ўйинга тайёргарликни бошлаймиз", - дейди Соҳибов.

"Пахтакор" матбуот хизмати