Жасур Абдураимов: "Осиё чемпионатига қадар футболчиларга интервью беришни таъқиқладим"
06 aug 2016 22:25
News
![](https://championat.asia/upload/storage/217680_original.jpg)
![](/upload/storage/217680_220.jpg)
Жасур Абдураимов: "Осиё чемпионатига қадар футболчиларга интервью беришни таъқиқладим"
"Бу мусобақадаги бош мақсадимиз Баҳрайндаги Осиё чемпионатига тайёргарлик кўриш. "CAFA CUP" орқали кўплаб футболчиларни синовдан ўтказиб оламиз. Анчадан буён чақирилмаган футболчиларни ҳам Ўзбекистон-2 сафида ўйнатиб кўрдик. Улардан кимлар талабимизга жавоб берса Осиё чемпионатига бориши мумкин. Шу мусобақа тугагач Осиё чемпионатига бориши мумкин бўлган футболчилар деярли аниқланиб бўлади. Баҳрайнга "турист футболчилар"ни олиб кетмайман. Буни очиқчасига айтаман. Менга туристлар керак эмас. 20 нафар бўлса ҳам майдонга тушиб жонини берадиган, ўйинни кучайтирадиган футболчилар қитъа чемпионатига боради.
Октябрь ойига қадар тайёргарлик жараёнида йигитларнинг фикри бўлинмаслиги лозим. Шу мақсадда мен терма жамоа аъзоларига интервью беришни таъқиқлаб қўйганман. Буни очиқчасига айтаман. Сабаби бу ёшда футболчилар юлдузлик касалига дучор бўлишлари ҳеч гап эмас. Шу боис Осиё чемпионатига борайлик, у ерда ижобий натижа қайд этайлик, ана ундан кейин бемалол футболчилару, мураббийлардан интервью олаверинглар. Ҳеч ким қаршилик қилмайди.
Агар Ўзбекистон-2 ва Ўзбекистон-1 "CAFA CUP" мусобақси финалида тўқнаш келиб қолса қайси жамоани бошқараман? (кулади) Агар шундай бўлса Ўзбекистон-2 жамоасини бошқараман. Асосий жамоани эса ёрдамчиларим бошқаришади. Сабаби "машқда қийин бўлса, жангда осон бўлади", - дейди Жасур Абдураимов.
Нарзулла Сайдуллаев
Similar news
![AMP Logo](https://championat.asia/image/logo-amp.png)
Comments