Жасур Абдураимов: "Футболда чидаш керак"
15 apr 2021 19:29
News

Жасур Абдураимов: "Футболда чидаш керак"

Coca Cola Суперлиганинг 6-туридан ўрин олган "Қўқон-1912" - "Металлург" (0:1) учрашувидан сўнг меҳмонлар бош мураббийи Жасур Абдураимов матбуот анжуманида ўз фикрларини билдирди.

- Бугун жуда қийин ўйин ўтказдик. Ўйлашимча, тактик услубларга асосланган учрашув ўтказдик. Бу ўйинда ким биринчи гол урса, ўша жамоа ғалаба қозонар эди.

Бизда ҳозир муаммолар йўқ эмас, секин-секин ўйинларимизни кучайтиришга ҳаракат қилаяпмиз. Йигитларга раҳмат айтаман, футболда чидаш керак. Бугун омад биз томонда бўлди. Жамоамиз дарвозабони Александр Лобанов 3-4 та голли вазиятларда жамоамизни қутқарди. Ҳимоя чизиғимиз ҳам бугун яхши ўйин кўрсатди.

Футболда чидаш керак, чидаш керак ва вазиятдан фойдаланиш керак. Бугун яхши ўйин ўтказдик. Футболда омаднинг ўрни жуда муҳим.

Иван Нагаев нега ўйнамади? Нагаев ҳимояда ўйнай олмайди. Охирги икки захирадан фойдаланганимизда тўп ҳимояда эмас, ҳужумда бўлишини таъминлашларини айтдик. Мураббийлар штаби ҳам шу таклифни билдирганди", - дейди Жасур Абдураимов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +3