Latest news

00:50"Ливерпуль" Кьезани Чемпионлар Лигаси қайдномасига киритмагани маълум бўлди  1 00:32Элдор ва Аббос сафда, Кападзенинг кайфияти чоғ – миллий жамоа машғулотларидан ГАЛЕРЕЯ  3 00:10U-23 Осиё кубоги саралаши. Ўзбекистон жойлашган гуруҳнинг иккинчи баҳсида Қирғизистон Кими Меркнинг дубли эвазига Фаластинни енгди  2 23:50Португалия президенти марҳум Диогу Жотани орден билан тақдирлади  1 23:18"Пахтакор" 5 нафар тарбияланувчиси учун 432 миллион сўм олади  0 22:44Ўзбекистон U-17 терма жамоаси ўртоқлик ўйинида Англияга ютқазди  9 22:25Антони "Бавария" таклифини рад этганини айтди. У "Бетис"га берган сўзида турган  1 21:55"Атлетик" ФИФА Лапортни рўйхатдан ўтказишни рад этганини тасдиқлади  1 21:36Ла Лигада ой мураббий бўлиш учун номзодлар номи эълон қилинди. Флик улар орасида йўқ  8 20:55Ла Лигада август ойининг энг яхши ўйинчиси бўлиш учун номзодлар номи эълон қилинди  3 20:25Равшан Ҳайдаров: "Бутун ўйин давомида устунликка эга бўлдик, тўпни назорат қилдик"  13 19:59A Bola: Лёвдан сўнг Бенту ҳам Ўзбекистонга "йўқ" деди  107 19:50Фарруҳ Сайфиев Туркманистон билан баҳсда дарвозабонга атайин жароҳат етказдими?  11 19:33Аббос Файзуллаев: "Туркияга мослашиш қийин бўлмади"  3 17:37Фермин ва Гави қизлар туфайли жанжаллашиб қолганми?  1

Жамшид Саидов: "Менда ҳам "Олимпик"га қарши ўйин борасида ҳакамларга саволларим бор, аммо уларни таҳлил қилиш — менинг ишим эмас" News

Жамшид Саидов: "Менда ҳам "Олимпик"га қарши ўйин борасида ҳакамларга саволларим бор, аммо уларни таҳлил қилиш — менинг ишим эмас"

Суперлига 9-тур доирасидаги "Пахтакор" — "Қизилқум" ўйинидан сўнг меҳмонлар бош мураббийи Жамшид Саидов матбуот анжуманида иштирок этди.

— "Пахтакор" қандай ўйнашини билгандик ва тайёр эдик. Афсуски, "Пахтакор"нинг ўн киши бўлиб қолганидан фойдалана олмадик. Очиқ ўйин бўлди, "Пахтакор" қарши ҳужум эвазига ҳисобда олинга чиқиб олиши ҳам мумкин эди. Ҳар қандай ҳолатда ҳам борларини берган ўйинчиларимга, Навоийдан келиб жамоани қўллаб-қувватлаган мухлисларга миннатдорчилик билдирмоқчиман.

— Дуранг натижа қайд этилди. Иккинчи таймда "Пахтакор" бир киши кам бўлиб қолгани эвазига ғалаба қозона қозонишингиз мумкин эди. Иккинчи таймдаги ўйин биринчисидан фарқ қилди. Умуман, ўйиндан қониқиш ҳосил қилдингизми?

— Четлатишдан сўнг "Пахтакор" ҳимояланиши бизга фойда бериши керак эди. Аммо, уларнинг қарши ҳужумлари хавфли. Шу сабабли, мен бундан қониқмадим. Аммо, бу футбол. Айрим пайт жамоа ўн киши бўлиб ҳам яхши ўйнайди. "Пахтакор" бугун иккинчи таймда, айниқса сўнгги дақиқаларни жуда яхши ўтказди. Ҳа, улар тўлиқ ҳимояланишди, аммо уларда ёшларни ўз ортидан эргаштира оладиган Черан каби ўйинчилар бор. Биз қарши ҳужумлардан чўчидик, аммо ўз мақсадимизга ета олмадик ҳам. Бизда ҳам вазиятлар бўлди, аммо якун етмади деб ўйлайман.

— "Пахтакор"нинг сўнгги 3-4та ўйинини кўрсак ҳакамлар 50га 50 вазиятларда рақиблар фойдасига қарор чиқармоқда. Сиз қизил карточка ва пенальти тўғрисида нима дея оласиз?

— Сизга битта нарсани айтаман. Мен ҳеч қачон ҳакамларни таҳлил қилмайман, бу иш билан шуғулланадиганлар бор. Масалан, менда ўтган "Олимпик"га қарши ўйиндаги ҳакамлик борасида саволлар бор. Мен Суперлигадаги ўйинларни кўраман, ҳа, қаердадир хатолар йўқ эмас, улар ҳам хато қилади.

— Ўзбекистонга ВАР керакми? Масалан, ВАР орқали кўрилаётган пайтларда қизил карточка ёки пенальти юз фоиз бўлмаса берилмаяпти. Аммо, инсонийлик фактори сабаб минг фоиз пенальти ёки қизил карточка бўлмоқда.

— Мен ВАР кўп ҳолларда жамоалар катта ёрдам бермоқда деб ҳисоблайман. Масалан, милли сонияларда ҳакам ва мен ҳам вазиятларни кўрмай қолишимиз мумкин, аммо кейинчалик такрорий лавҳаларда бу кўринади. Ҳатто ўша қизил вазият билан боғлиқ ҳолат ҳам. "Пахтакор" футболчилари ва мураббийлари норозилик билдирди. Ҳакамлик жуда нозик иш. Биз шунчаки юқоридан қараб қўя қоламиз, улар турли хил ракурсдан вазиятни баҳолашади. Шу сабаб, ҳакамларни ҳеч қачон таҳлил қилмаганман ва бу менинг ишим эмас. Футболчиларни таҳлил қилишим мумкин, аммо ҳакамларни таҳлил қилиш менинг ваколатимга кирмайди.

— Акакий Шулаянинг йўқлиги қандай таъсир ўтказди? Бугун "Қизилқум" қанотлардан ҳужумлар қилди ва мақсадига эришишига озгина қолгандек кўринди.

— Ҳа, жамоа етакчиларидан бири "Олимпик"га қарши ўйиндаги четлатишдан сўнг йўқ эди. Албатта, унинг бугунги ўйиндаги ҳаракатлари жуда фойдали бўлган бўларди.

— Ўзингиз айтганингиздек, "Пахтакор"нинг хавфли қарши ҳужумлари сабаб жамоанинг нафақат ҳужум ҳақида, балки ҳимоя ҳақида ҳам ўйлаши керак эди. Марказий ҳимоячиларингиздан қониқдингизми ёки бу "Пахтакор"нинг тажрибали ўйинчилари билан боғлиқ эдими?

— Ҳа, айрим вазиятларда марказий ҳимоячиларимнинг ҳаракатларидан қониқмадим, улар хато қилишди. Шундай вазиятлар бўлдики, Чераннинг ўзи иккита гол уриши мумкин эди, бунга фақатгина аниқлик етишмади. Черан, Ҳамдамов бор, бошқа ёш ўйинчилар ҳам ўйиндан-ўйинга қўшишмоқда. Уларда яхши мактаб бор ва улар ўзбек футболининг байроқдорларидан биридир. Уларда ҳозир янгиланиш кетмоқда, улар иккинчи даврада ўзига келади деб ўйлайман. Улар ўйиндан-ўйинга қўшишмоқда.



Rating: -2   

Comments

championat.asia
< show latest news
Яндекс.Метрика