Жамшид Искандеров: "Мавсум қизиқроқ ўтишини кутяпман"

- Янги мавсум қизиқроқ ўтишини кутяпман. Чемпионлик ва юқори ўринлар учун курашадиган жамоалар сони ошиб, чемпионатда интрига кучайишига умид қиламан. Бундан барчага фойда. Футболимиз ва жамоаларимиз савияси ҳам ошади, - таъкидлади Искандеров янги мавсум ҳақида.

"Андижон" билан душанба куни ўтадиган беллашув ҳақида тўхталар экан, Жамшид баҳсда осонлик билан ғалаба қозонилмаслигини айтиб ўтди.

- Ҳар доим мавсумдаги биринчи учрашув оғир ўтади. Чунки рақиб жамоанинг ўйин услуби ва янги футболчилари қандай ўйнашини айтиш мушкул. Янги мураббий келгач, тактика ва ўйинчиларда ўзгариш бўлади. Шу сабабли рақибни тўлиқ ўрганиб чиқишнинг иложи йўқ. Албатта, бу жамоага хос баъзи жиҳатларни биламиз. Ўйинини ўрганишга интилдик. Улар энди жамоани шундай ўйинларга руҳан яхши тайёрлай оладиган мураббийга эга. Ҳимояда жуда жипс ҳаракат қилишлари мумкин. Шунинг учун учрашув осон ўтади деб ўйламайман, - дейди Жамшид Искандеров.

"Пахтакор" матбуот хизмати