Жамоа 4 йилда 23-марта мураббийни истеъфога чиқарди

Галал 2014 йилнинг апрелидан кейин "Земалек"ни бошқарган 23-мутахассис бўлди. Унинг қўл остида жамоа чемпионатда кетма-кет уч бора мағлубиятга учради. Шунингдек, Африканинг конфедерациялари кубогидан ҳам чиқиб кетди. Шу боисдан президент уни ишдан бўшатди.

Бундан олдин жамоани шотландиялик Алекс Маклиш ва Миср термаси собиқ футболчиси Мидо бошқарди. Биринчиси 65, иккинчиси 37 кун давомида "Земалек" устози бўлди.

Айни дамда жамоа Миср чемпионатининг 3-поғонасида кетмоқда. "Земалек" етакчи "Ал Аҳли"дан 25 очкога ортда қолмоқда.