Жаъфар Ирисметов: "Аввал "Обод" олий лигада қолсин, режалар кейин тузилади"
02 oct 2016 10:35
News

Жаъфар Ирисметов: "Аввал "Обод" олий лигада қолсин, режалар кейин тузилади"

"Обод" - "Нефтчи" (2:1) учрашувидан сўнг мезбонлар устози Жаъфар Ирисметов ўз фикрларини билдирди.

"Нефтчи"дан бошқачароқ ўйин кутгандик, улар бугун кўпроқ прессингга асосланган ўйин кўрсатишди. Бугун баҳс тенг ўтди, биринчи бўлимда меҳмонларда, иккинчи бўлимда ташаббус бизда бўлди. Гол ўтказгач тезда ҳисобни тенглаштирдик. Алишер Мирзаевнинг голи бизга жуда катта ёрдам берди.

Жамоадаги келажагим, кейинги режалар ҳақида ҳеч нима дея олмайман. Аввал "Обод" олий лигада қолсин режалар кейин тузилади. Умид Ёрбеков "Локомотив" билан ўйинда ишончли ўйнагани учун Дилшод Ҳамроев захирада қолди.

Ҳар бир ўйинга алоҳида тайёргарлик кўраяпмиз. Рақибни ўрганиб унга қарши тактика тайёрлаяпмиз", - дейди Ирисметов.

"Обод" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +10