Ихтиёр Тошпўлатов "Машъал" тарбияланувчиларига совға топширди
06 feb 2017 14:04
News

Ихтиёр Тошпўлатов "Машъал" тарбияланувчиларига совға топширди

Болалик чоғидан "Машъал" академиясида таҳсил олиб, катта футболга қадам қўйган истеъдодли ва умидли футболчи Ихтиёр Тошпўлатов бугун Муборакка ташриф буюрди.

Унинг профессионал футболчи бўлиб етишишида "Машъал"нинг ўрни беқиёсдир. Тошпўлатов "Машъал" академиясига миннатдорчилик рамзи сифатида таҳсил олаётган ёшларга ўз номидан махсус “ROISON” телевизорини совға қилди. Клуб мутасадди раҳбарлари, ишчи ходимлар ва жамоадошларига барча-барчага ўз миннатдорчилигини билдирди.

Биз ҳам футболчимизнинг кейинги фаолиятига омад ва зафарлар тилаб ўз миннатдорчилигимизни билдириб қоламиз. Эслатиб ўтамиз Ихтиёр Тошпўлатов Жиззахнинг “Сўғдиёна” клубида ижарада фаолият олиб бормоқда.