Италиянинг мағлубиятсиз серияси 37-ўйинда тўхтади — бу жаҳон рекорди
07 oct 2021 02:13
News

Италиянинг мағлубиятсиз серияси 37-ўйинда тўхтади — бу жаҳон рекорди

Миллатлар Лигаси ярим финалида Роберто Манчини шогирдлари Испанияга (1:2) ютқазиб қўйишди.

Аввалги жаҳон рекордини қаторасига 35 ўйинда мағлубият нималигини билмаган Бразилия термаси (1993 - 1996 йй) ўрнатганди. Кейинроқ, 2007 йилдан то 2009 йилга қадар Испания термаси ҳам 35 учрашувда мағлубиятга учрамаган.

Ёдингизда бўлса, Манчини Италия термасини 2018 йил май ойида "Зенит" клуби билан хайрлашиб, қўлга олганди. Ёзда италияликлар Евро-2020"да зафар қучишди.

Эслатиб ўтамиз, "скуадра адзурра" сўнгги бор 2018 йилнинг сентябрь ойида Португалия терма жамоасига айнан Миллатлар Лигаси доирасидаги баҳсда (0:1) имкониятни бой бериб қўйганди.