Италия расмий ўйинларда 15 учрашувдан буён мағлуб бўлмаяпти. Рекордгача 2 қадам қолди

Италияликлар 15 та расмий ўйинда мағлуб бўлишмади -12 ғалаба, 3 дуранг.

Бу терма жамоанинг мағлубиятсиз серия борасидаги иккинчи кўрсаткичи бўлиб турибди. 1997-99 йиллар оралиғида италияликлар 17 та ўйинда мағлуб бўлишмаганди. 

Сўнгги марта мовий гвардия 2018 йилнинг сентябрида Португалия (0:1) термасига ютқазиб қўйганди.

14 октябрь куни Манчини шогирдлари ўз майдонида Нидерландия билан, 15 ноябрда эса Польша термаси билан куч синашади. Ушбу икки расмий ўйин орасида улар 11 ноябрь куни Эстонияга қарши ўртоқлик учрашувида майдонга чиқишади.