Испания Прокуратураси "Барселона"ни судга беради

"El Pais" хабарига кўра, Испания Прокуратураси "Негрейра иши" бўйича клуб устидан судга арз қилади. Каталония клуби 2016-2018 йиллар давомида Испания ҳакамлар қўмитаси вице-президенти Хосе Мария Негрейрага 1,4 млн евро миқдорида пул ўтказиб берган. Кейинчалик аниқланишича, 2001 йилдан буён клубдагилар Негрейрага 6,66 млн евро тўлагани маълум бўлди.

Прокуратура "Барселона"ни нафақат бизнесдаги коррупция, балки, спортдаги қаллоблик билан ҳам айбламоқда. Терговлар натижасида клубнинг бир қанча коррупцион ҳолатлари аниқланган. Ўша давр мобайнида клуб Негрейрага ҳатто нақд пуллар ҳам берган.

Бу узоқ вақт давом этгани учун "Барселона"ни оғир жазо кутаётган бўлиши ҳам мумкин. Терговлар май ойигача давом этади.