Инфантино: "VARнинг ЖЧ-2018даги натижалари қувонарли"

"VAR яхши ишлаяпти. Синов босқичини бошлаганимизга кўп бўлмади. Аввалига бунга салбий муносабатда эдим, аммо кейин бу тизимни синаб кўриш кераклигини тушундим. Жаҳон чемпионатидаги VARнинг натижаси қувонарли.  Мундиалнинг 62та ўйинида 18 марта бу тизимга мурожаат қилинди ва 16тасида тўғри қарор чиқарилди. VAR футболни ўзгартирмайди - уни тозалайди. Ҳакамларнинг 95% қарорлари тўғри эди. Аммо бу тизим орқали фоиз кўрсаткичи 99,3%га етди.

Биринчи навбатда футбол контакт кўп бўладиган спорт тури. Суперсекинлаштирилган тасвирда ҳамма нарсари кўриш мумкин. Энди ҳакамларда ўзини текшириб кўриш учун яна бир имконият бор.

Энди офсайддан голлар урилмайди. Бундан ташқари, сариқ карточкалар сони ҳам камайди. Футболчилар ҳаммаси камерада билиниб қолишини тушунишди. Ушбу мундиални VAR тизимисиз тасаввур қилиш қийин бўларди. Турнир янада адолатлироқ бўлди" - дейди Инфантино.