Инчеон-2014. Бугун таэквондочиларимиздан иккита кумуш медаль
01 oct 2014 15:12
News

Инчеон-2014. Бугун таэквондочиларимиздан иккита кумуш медаль

Осиё ўйинларининг таэквондо мусобақасида терма жамоамиз аъзолари бугун иккита кумуш медалини қўлга киритишди.

-80 кг. вазн тоифасида даянга чиққан ўзбекистонлик спортчи Максим Рафалович ҳозиргина мусобақанинг кумуш медалига сазовор бўлди. Рафалович олтин медаль учун баҳсда эронлик Маҳди Ходабахшига қарши жанг қилди. Афсуски унда 5:1 ҳисобида ғалаба қозонган форслик спортчи ғолиб чиқди.

87 кг. вазн тоифасида терма жамоамиз аъзоси Дмитрий Шокин финал баҳсида кореялик Жо Чолхога қарши жанг қилди. Олтин медаль учун кечган кескин жангда Шокин 6:7 ҳисобида имкониятни бой бериб қўйди.

Энди Ўзбекистон ҳисобида 6та олтин, 9та кумуш ва 14та бронза медали мавжуд. Жамоамиз умумий рейтингда 11-ўринда бормоқда.

Link :

Source : olamsport.com

Receive latest football news directly on your phone. Subscribe for our Telegram channel!

Rating: