Илҳом Мўминжонов: "Марко Обрадович оилавий сабабларга кўра клубни тарк этди. Кейинги йил "Нефтчи"га қайтмаса керак"
08 nov 2021 18:45
News

Илҳом Мўминжонов: "Марко Обрадович оилавий сабабларга кўра клубни тарк этди. Кейинги йил "Нефтчи"га қайтмаса керак"

Про лиганинг 22-туридан ўрин олган "Олимпик" - "Нефтчи" (2:0) учашувидан сўнг меҳмонлар бош мураббийи Илҳом Мўминжонов фикрлари билан ўртоқлашди.

"Бугун тенг курашларга бой ўйин кўрдик. Ҳимоядаги хатолар эвазига гол ўтказиб юбордик. Ярим ҳимоячилар ўзларини яхши кўрсата олишмади. Ҳужум чизиғига тўпни етказиб бера олишмади. Ноаниқ паслар кўп бўлди. Навбатдаги ўйинга тайёргарлик кўрамиз. Ҳа, чемпионликни қўлга киритиб бўлдик. Тўртта тур қолганда вазифани бажаришни уддасидан чиқдик. Айрим футболчиларга дам олиш имкониятини бердик. Ўйин амалиёти кам бўлган ўйинчиларни туширишга қарор қилдик. Мағлубиятга учрадик, лекин футболчи профессионал бўлиши керак. Йигитлар ҳаракат қилди, омадимиз келмади.

Марко Обрадович оилавий сабабларга кўра клубни тарк этди. Кейинги йил қайтмаса керак. Суперлигадан таклифлар бор",- дейди Илҳом Мўминжонов.

Link :

Source : championat.asia

Receive latest football news directly on your phone. Subscribe for our Telegram channel!

Rating: -5