Илҳом Ҳамроев: “Олдимизда Эрон ёшлар терма жамоасига қарши назорат учрашуви бор”

Ушбу баҳсда вакилларимиз рақибларини (5:3) ҳисобида мағлубиятга учратишди. Учрашувдан сўнг терма жамоамиз сардори Илҳом Ҳамроев ўз фикрларини билдирди.

“Тожикистон терма жамоасига қарши жуда ҳам яхши ўйин бўлиб ўтди. Рақибларимиз ҳам яхши жмоа экан, уларнинг қай даражада кучга эга эканини билиб олдик. Индивидуал ҳаракатлана оладиган футзалчилари бор экан. Асосий урғуни дарвозабонга берган бўлардим. Чунки Тожикистон терма жамоасини дарвозабони кўп ишни қилар экан.

Ҳозирги кундаги вазифамиз машғулотларда ишланган тактикаларни ўртоқлик ўйинларида қўллашдан иборат. Назорат учрашувларида бош мураббийимизга натижа муҳим эмас. Энг асосийси ўз хатоларимиз устида ишлашимиз керак. Осиё чемпионати бошлангунга қадар бироз вақт бор. Ушбу мусобақа бошлангунга қадар максимал спорт формамизга кириб оламиз.

Машғулотларда кўпроқ текникага ва тактикага эътибор қаратяпмиз. Мураббийларимиз томонидан ўртоқлик ўйинлари режалаштирилган. Устозларимизнинг айтишича олдимизда Эрон терма жамоасига қарши назорат учрашуви бизни кутиб турибди”, - дейди терма жамоа сардори Илҳом Ҳамроев.