Ифеани Ифеани: “Бу йилги фаолиятимдан қониқиш ҳосил қилганим йўқ”
19 nov 2021 19:49
News

Ифеани Ифеани: “Бу йилги фаолиятимдан қониқиш ҳосил қилганим йўқ”

“Машъал”нинг нигериялик футболчиси Ифеани Ифеани икки мавсумдирки “газчилар” сафида тўп тепмоқда. Хўш, мавсум якунига етганидан сўнг у “Машъал”да қоладими ёки фаолиятини бошқа жамоада давом эттириши борасида футболчи билан суҳбатлашдик.

“Машъал”даги икки йиллик фаолияти борасида

- Ўтган мавсумдаги фаолиятимдан қониқиш ҳосил қилгандим. Чунки кўплаб ўйинларда майдонга тушгандим. Бу йил эса ўзим кутган даражада ўйнай олмадим. Шу боисдан 2021 йилги мавсумдаги фаолиятимдан қониқиш ҳосил қилганим йўқ.

Шартномаси тўғрисида

- “Машъал” билан шартномам муддати шу йил якунига етади. Бироқ келгусида қайси жамоада тўп тепишимни олдиндан айта олмайман. Чунки ҳали бу борада ҳеч ким билан гаплашганим йўқ. Ҳаммасини вақт кўрсатади.

“Машъал”нинг Суперлигадаги иштироки ҳақида

“Мен шуни сизга айта оламанки, “Маъшал” Суперлигада қолиш вазифасини бажара олади. Ҳозирда бошқа жамоаларда ҳам имконият яхши. Лекин биз қолган икки ўйинда ижобий натижа кўрсатган ҳолда бу вазифани уддасидан чиқа оламиз.

Энг қийин баҳс борасида

“Менимча, мавсумдаги энг қийин ўйин сифатида Муборакда “Локомотив”га қарши кечган баҳсни айта оламан. Шу куни ютқазиб қўйдик. Шу ўйин биз учун оғир ўтди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +1