Ибрагимович: "Биз Моуриньо билан бир-биримизга ўхшаймиз - мағлубиятларни қабул қила олмаймиз"

"Моуриньони анчадан бери биламан. Унинг талаблари, нима исташини ҳам. Унда мендагидек чемпионлик феъли бор. Ғалаба учун бор кучимни ишга соламан, Моуриньо ҳам шундай. Биз мағлубиятни қабул қила олмаймиз. У менга ўхшаб кўп муваффақиятларга эришган. Моуриньо қаерга бормасин, доимо ғалаба қозонган. "Порту" билан Чемпионлар лигасини ютишди. Қисқа вақт ичида Жозе фантастик муваффақиятларни қўлга киритди. Бундан ташқари, у шогирдларидан ҳеч нарсани яширмайди, ҳаммасини юзига айтади" - дейди Ибрагимович.