Ҳуссам Ҳассан: "Тошкентдаги ўйиндан олдин ўзимиз учун ижобий натижага эга бўлмоқчимиз"

"Биз ўз майдонимиздаги ўйинни ғалаба билан тугатмоқчимиз. Сафардаги ўйиндан олдин ўзимиз учун ижобий натижага эга бўлмоқчимиз", - дейди Ҳассан.

"Аммо осон ўйин бўлмайди, шу билан бирга агар эртага ғалаба қозонсак ҳам кейинги босқичга чиққанимизни англатмайди. Сабаби Ўзбекистонда ҳам жиддий ўйин бўлиб ўтади.

"Бу икки ўйин гуруҳ ўйинларидан ҳам қийин бўлади, сабаби бу ерда хато кечирилмайди, уни тўғирлашга имкон бўлмайди. Футболчиларга эса бу қўшимча босим юклайди".

"Асосийси футболчилар битта жамоа бўлиб ўйнашлари керак, буни биз Фаластин, Ливия ва Сурияга қарши ўйинларда кўрсатдик ", - деб қўшимча қилади 1990 йилги Жаҳон чемпионатида Миср сафида ўйнаган Ҳассан.

"Иордания чемпионати энди бошланади, шу боис бизга ўртоқлик ўйинлари керак эди. Клублар янги мавсумга тайёргарлик кўришмоқда”.

"Ироққа қарши ўйинни қолдиришга қарор қилдик, сабаби бу ўйиннинг фойдасидан кўра зарари кўпроқ бўлиши мумкин эди. Бунгача Фаластин, Ливия ва Сурияга қарши ўйнадик, менимча бу ўйинлар етарли бўлди".

"Заиф нуқтамиз бўлган ўнг қанот бўйича ишлаяпмиз. Анас Бани Ясин терма жамоа сафида анчадан буён ўйнамаётганди".