Ҳумоюн Муртозаев: "Бу йилда ҳам "Металлург"га гол урмоқчиман"

Мазкур баҳс олдидан Ҳумоюн Муртозаев ўйин ҳақида фикрларини билдириб ўтди.

"Олдимизда Олий лиганинг кучли жамоаларидан бири "Металлург" турибди. Бу ўйинда мухлисларни хурсанд қилиш учун ўйнаймиз. Очилиш учрашув ва унда ўзгача руҳият бор. Майдонга ким тушишидан қатий назар майдоннинг ҳар бир қисми учун курашамиз".

"Қишки йиғинларда тайёргарлик маромида бўлди. Кўплаб назорат учрашувларида асосий таркиб аниқланди. Мураббий кимни тайёр деб ҳисобласа майдонга туширади. Ўтган мавсум Муборакдаги ўйинда ушбу жамоа дарвозасини ишғол этган эдим лекин бу ғалабага камлик қилган эди. Бу йилда ҳам гол уришга ҳаракат қиламан. Ҳужумда кўплаб футболчилар бор. Ким тушса ҳам гол урса ва жамоа ғалаба қозонса хурсанд бўламан", - дейди Ҳумоюн Муртозаев.

"Машъал" матбуот хизмати