"Ҳоким кубоги": Финалдан олдинги финал Қиргулида бўлади

“Қўқон-1912-1” жамоаси бугун 3-турда ғалаба қозонди ва очколар сонини 9 тага етказиб олди. Мазкур ғалабадан кейин вакилларимиз финалга чиқиш учун яхши имконият ҳосил қилишди.

Эртага эса жамоамиз гуруҳдаги асосий рақиб “Қизилқум” билан майдонга тушади. Мазкур баҳс мухлислар томонидан финалдан олдинги финал деб эътироф этилмоқда.

Ушбу учрашувнинг ўтказилиши жойи ўзгарди. Олдинги тақвимга кўра, ўйин Фарғона давлат универститетининг спорт соғломлаштириш мажмуаси (ФарДУ) стадионида бўлиб ўтиши лозим эди. Энди ушбу баҳс Қиргулидаги “Нефтчи СК” стадионида ўтадиган бўлди. Учрашув соат 15:00да бошланади. Барча мухлисларни ушбу ўйинга таклиф этиб қоламиз.