Ҳайсам Аббос: "Биз учун Ўзбекистонга қарши ўйин энг қийини бўлди"

“Бизнинг футзалчиларимиз анча чарчашганди. Юкламалар жуда ҳам кўпайиб кетди. Бундан ташқари жароҳат олган футзалчиларимиз ҳам бор эди. Шу боис ютқаздик”, - дейди мураббий.

- Осиё чемпионати ташкилотчилиги ҳақида нима дея оласиз?
- Мусобақанинг ташкилотчилик даражаси жуда юқори даражада бўлди. Барчага миннатдорчилик билдираман. Ўзбек халқининг меҳмондўстлиги, ўйинларга келган мухлисларнинг қўллаб-қувватлаши барчаси ажойиб бўлди. Мамлакатингизга катта раҳмат айтаман.

- Кечаги мағлубиятдан сўнг ўйинчиларни руҳан тиклаш қанчалик қийин кечди?
- Йўқ уларнинг руҳий тайёргарлиги жойида эди. Бугун фақатгина жисмоний тайёргарлик борасида фарқ кўзга ташланиб қолди.

- Мусобақада Ироқ учун қайси ўйин энг қийини бўлди?
- Ўзбекистонга қарши чорак финалдаги баҳс.

- Ироқ иккинчи бор чорак финалга чиқди. Бу ҳақда қандай фикрдасиз?
- Биз мусобақанинг кучли 8 жамоаси орасига кирдик. Бу Ироқда футзал ривожланаётганидан далолат беради.