Ҳаммаси "Йилнинг энг яхшиларини тақдирлаш" маросими ҳақида

Ушбу тадбир Тошкент вақти билан 20:00да бошланади. Тадбир Уммон кўргазмалар марказида ташкил этилади. Бунда бир қатор нуфузли футбол кишилари иштирок этиши кутилмоқда. Жумладан, ОФК президенти Шайх Салмон бин Иброҳим Ал Халифа, собиқ ОФК бошқарув раиси Жанг Жилонг ва бошқалар.

Тадбир давомида ливанлик машҳур хонанда Майа Диаб ўз қўшиқлари билан залга йиғилганларни хушнуд қилади. Маросимда FOX Sports Network вакиллари Жон Дейкс ва Наталие Мамо бошловчилик қилади.

Албатта, тадбирнинг асосий қисмида қуйидаги йўналишлар бўйича энг яхшилар аниқланади:

- "Осиё олмоси" соҳиби

- Йилнинг энг яхши ташкилоти

- Футбол ривожига қўшаётган ҳиссаси учун ОФК президенти мукофоти

- Йилнинг энг яхши мураббийи (аёллар)

- Йилнинг энг яхши мураббийи (эркаклар)

- Йилнинг энг яхши футзалчиси

- Йилнинг энг яхши эркак футболчиси

- Йилнинг энг яхши аёл футболчиси