Ҳамиджон Актамов: “Антифутбол намойиш этиб ғолиб чиқишни, шахсан мен истамасдим”
29 jul 2018 23:10
News

Ҳамиджон Актамов: “Антифутбол намойиш этиб ғолиб чиқишни, шахсан мен истамасдим”

“Қизилқум”- “Бухоро” (0:1) учрашувида кейинги матбуот анжуманининг иккинчи қисмида мезбонлар устози Ҳамиджон АКТАМОВ ўйин ҳақидаги фикрлари билан ўртоқлашди.

- Биз чиройли ўйин кўрсатиб, ғалабага эришишни истагандик. Йигитлар қўлларидан келганича ҳаракат қилишди. Ўйин бўйича уларга эътирозим йўқ. 90 дақиқа ҳужум қилиб, битта қарши ҳужумдан гол ўтказиб юбордик. Иккита ҳужумчимиз ҳам сўнгги нуқтани қўйишга оқсашди. Жудаям аламли мағлубият бўлди. Балки ўйинлар ораси яқин бўлгани учун тикланиш жараёни қийин кечгандир. Рақиб эса охирги дақиқаларда антифутбол намойиш этди. Бунақа ўйин билан ғолиб чиқишни, шахсан мен истамасдим", - дейди Актамов.