Ҳакими: "Марокашнинг орзуси поёнига етди"

Марокаш терма жамоаси ҳимоячиси Ашраф Ҳакими миллий терма жамоанинг Қатарда бўлиб ўтаётган ЖЧ-2022 ярим финалида Франциядан учралган мағлубиятдан сўнг (0:2) ўз фикрлари билан ўртоқлашди.

"Биз боримизни бердик. Жамоамиз, юртимиз орзуси поёнига етди. Биз қилган ишимиз билан фахрланишимиз керак, охирги сонияларгача курашдик ва бошимизни баланд кўтариб кетишимиз керак", – деди футболчи ижтимоий тармоқларда.

Марокаш терма жамоаси эртага, 17 декабрь куни Хорватия термаси билан учинчи ўрин учун ўйинда майдонга тушади.

Франция 2022 йилги Жаҳон чемпионати финалида Аргентинага қарши майдонга тушади. Учрашув 18 декабрь, якшанба куни бўлиб ўтади.