Ҳаким Фузайлов: "Вазият ўзгармаса, "Бухоро"дан кетаман"
19 jul 2022 15:37
News

Ҳаким Фузайлов: "Вазият ўзгармаса, "Бухоро"дан кетаман"

Тажрибали мутахассис Championat.asia'га жамоани тарк этиш ҳақида ўйлаётганини маълум қилди.

"Биринчи давра якунига етганидан кейин "Бухоро"ни кучайтириш мақсадида баъзи футболчилар ва ишчи-ходимлар билан хайрлашишга қарор қилдим. Клуб президентига Суперлигага чиқиш вазифасини уддалашга ваъда бердим. Аммо айни пайтда жамоа ҳомийси кетказилган футболчиларни клубга қайтаришни талаб қиляпти. "Бухоро"нинг ҳақиқий, жонкуяр мухлислари ва жамоа президентидан бундай босим остида ишлай олмаслигим учун узр сўрайман.
Ҳаммаси шундай давом этса, кимлардир мураббийнинг ишига аралашаверса, клубдан кетишга мажбур бўламан", - дейди Ҳаким Фузайлов.

Эслатиб ўтамиз, тожикистонлик мутахассис Про-лиганинг ўтган мавсумида рақобатчиларига нисбатан кучсизроқ таркиб ва кичик бюджетга эга бўлган "Динамо"ни элитага қайтарган эди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +9