Ҳаким Фузайлов: “Жамоа натижа кўрсата олмаса, бунга бош мураббий жавоб беради”

Ўйин ҳақида

- “Машъал” жамоасини ғалаба билан табриклайман. Ўйин ҳақида айтадиган бўлсам, ёмон ҳаракат қилмадик. Вазиятларимиз бўлди, ҳаммасидан ҳам унумли фойдалана олмадик. Таъкидлаш жоиз, “Машъал” бугунги учрашувда ғалабага эришган бўлса-да, катта устунликка эга бўлмади. Кўрсатган ўйинимиз ёмон эмас, лекин натижа борасида мақтана олмаймиз.

- “Хоразм” жамоаси ўз олдига катта мақсадларни қўйгани ҳақида айтиб келасиз. Бироқ, жамоа айни дамда турнир жадвалида қуйи 3 таликда турибди. Бу ҳолатни клуб раҳбарияти ва жамоа мухлислари қандай қабул қилишмоқда?

- Натижа учун бош мураббий ва мураббийлар штаби жавобгар бўлади. Ҳаракат қилаяпмиз, ҳар ўйинда ғалаба учун режа тузамиз. Бироқ, ўхшамаётган жиҳатлар кўп. Натижа ёмон бўлаётган экан, демак жамоа янгиликларга муҳтож.

- Захиралар ўзини қайд даражада оқлади деб ҳисоблайсиз?

- Мағлубиятдан қтулиб қолиш учун ҳаракат қилдим. Ҳозир ҳеч кимни айблай олмайман, айтиб ўтганимдек, натижа учун бош мураббий жавобгар. Эътирозлар ҳам йўқ эмас, кўплаб ҳужумлар ташкил этаётган бўлсак ҳам, вазиятларни голга айлантиришда оқсаяпмиз.