Гвардиола: "Тўғри бу ЕЧЛ эмас, лекин кетма-кет 4 марта Лига Кубоги финалига чиқиш ёқимли"
07 jan 2021 07:51
News

Гвардиола: "Тўғри бу ЕЧЛ эмас, лекин кетма-кет 4 марта Лига Кубоги финалига чиқиш ёқимли"

"Манчестер Сити" жамоаси бош мураббийи Пеп Гвардиола МЮга қарши ўйиндан сўнг (2:0) ўз фикрларини билдирди.

"Ғалабани Колин Белл ва унинг оиласига бағишлаймиз (5 январь куни 74 ёшида ҳаётдан кўз юмган собиқ футболчи). МЮни сафарда мағлуб этиш ажойиб, биз Белл учун шунинг учун ҳам ҳаракат қилдик.

Жамоа тайёр ва ажойиб ўйин кўрсатди. Иккинчи бўлимда бироз сустлашдик, чунки "Стэмфорд Бриж"даги ўйиндан сўнг бироз чарчагандик. Аммо жамоамиз характерга эга ва ақлбовар ишларни амалга ошира олади.

Бу Чемпионлар лигаси эмас, аммо Лига Кубогида кетма-кет тўрт марта финалга чиқиш - ёқимли натижа.

Финалда керакли тартибда ўйнаймиз ва ўзимизнинг энг зўр формамизда бўламиз. "Тоттенхэм" ажойиб жамоа, лекин ҳозирча биз бу ҳақида ўйлаётганимиз йўқ", - деди Гвардиола.

Link :

Source : Sky Sport

Receive latest football news directly on your phone. Subscribe for our Telegram channel!

Rating: +20