Гвардиола: "Сарридан фарқим: раҳбарият ҳали менга ҳеч қачон шубҳа қилмаган"

"Бошида Сарри билан деярли бир ҳил ҳолатда эдим. Аммо "Сити"дагилар мени қўллаб-қувватлаганди. Аммо ҳозирда Сарри билан фарқим: раҳбарият ҳали менга бирор марта ҳам шубха билдирмаган.

Футболчилар ҳам олдида қандай мураббий борлигини, тўғри йўлдан кетаётганлигини билди. Шундан кейин ютдик, ютқаздик. Охири бир йўлга тушиб олдик.  Яхши жамоа узоқ вақтлар давомида қурилади, қисқа вақтда эмас.

Конте билан бўлган ҳолат менга қизиқ туюлди. У "Челси" билан АПЛ совринини қўлга киритди. Кейинги мавсумнинг бошида эса жамоа дастлабки турларда мағлуб бўлганидан кейин унинг кетиши борасида миш-мишлар кўпайди. Жуда ғалати...

Сарри ва унинг жамоаси борасида фикрларим жуда яхши. "Манчестер Сити" - "Челси" ўйинида лондонликлар ўз вазиятларидан фойдаланганида ҳисоб ўзгачароқ бўларди. Улар яхши ўйин кўрсатишди. Ишонмасангиз, ўйиннинг видеосини томоша қилинг", - деди Гвардиола.