Гвардиола "Манчестер Сити"нинг қиммат футболчисида ярим ҳимояда ўйнаш учун зарур бўлган муҳим фазилатни кўрмаётганини айтди

"Сити"нинг МЮ билан "Олд Траффорд"да 0:0 ҳисобида дуранг ўйнаган ўйинидан сўнг Нунес яна ўнг қанот ҳимоячиси позициясида майдонга тушганди. Гвардиола матбуот анжуманида ярим ҳимоячи учун зарур бўлган муҳим фазилатни айтиб ўтди ва унинг фикрича, бу нарса Нунесда йўқ.

Пепнинг айтишича, Матеус Нунесда майдон марказида тўп тепиш учун совуққонлик етишмаяпти, бироқ ўнг қанот ҳимоячиси ўрнида истиқболи борлигини таъкидламоқда.

"У жисмоний тайёргарлиги туфайли яхши ўнг қанот ҳимоячисига айланиши мумкин. Менимча, у марказда ўйнаши керак бўлган футболчи эмас, чунки у етарлича ақлли ва зийрак эмас", – деди Гвардиола.

"Сити" Нунесни 2023 йилда 53 млн фунт стерлингга ярим ҳимоя учун сотиб олганди. Сўнгги ўйинларда у январь ойида Италиянинг "Милан" клубига ижарага берилган ўнг қанот ҳимоячиси Кайл Уокернинг ўрнини эгалламоқда.

"Манчестер дербиси"дан кейин "шаҳарликлар" 52 очко билан бешинчи ўринда бормоқда.