Гвардиола: "Фергюсондан кейинги барча мураббийлар ёмонмиди? Йўқ"

"Тасаввур қилинг, Сиз кечагина учинчи марта ЕЧЛ совринини ва кетма-кет уч марта АПЛни ютган МЮ бош мураббийисиз. Сизга осон бўлмайди. Ҳозир ўтган мавсумда ўртача натижа қайд этаётган жамоалар ҳам ЕЧЛда ўйнамоқда. Ҳозир ЕЧЛга чиқиш учун фақатгина натижа кўрсатсангиз бўлгани.

Албатта, раҳбарият томонидан бош мураббийга қанча имконият берилиши ҳам эътиборга молик. Натижалар - ишимиздаги бир қисм, бироқ раҳбарият футболчилар қандай машғулот қилаётганига, кийим алмаштириш хонаси ва матбуот билан мулоқотда ўзини қандай тутаётганига ҳам қараши керак. Агарда клубдагилар мураббийга ишонса, вақт бериши керак. Футбол ўзгариб кетяпти, унинг ташқи кўринишини тўғри қабул қилиш лозим.

Агарда доимо футболчи ва мураббийни ўзгартираверсангиз, барчаси қийинлашиб кетади. Нима, Фергюсондан кейинги МЮнинг мураббийлари ёмонмиди? Йўқ. Билмадим, нима сабабдан клубнинг ишлари ортга тортиб кетди. Агарда тен Хагда ишлар яхши кетса, МЮ учун зўр иш бўлади", - деди Гвардиола.