Гвардиола: “Де Брюйне билан бирга ухламаганмиз холос”

Бельгиялик хавбек “Лестер”га қарши (1:0) баҳсдаги голи билан жамоаси уч очко келтирди.

“У ҳозир энг яхши ўйинини кўрсата олмаяпти. Қойилмақом гол урди, аммо унинг ўзи максимал тарзда ҳаракат қилмаётганини билади.

7 мавсум давомида биргаликда фаолият олиб бордик. Бу давр мобайнида ҳамма нарсани бошдан кечирдик, фақатгина бирга ухламаганмиз холос. 

Унинг муваффақиятимизга қўшган ҳиссаси ҳақидаги фикримни ҳеч нарса ўзгартира олмайди, аммо ишимнинг бир қисми мен ундан кўпроғини кутаётганимни айтишдир”, дейди испан мураббийи.