Гвардиола ЧЛ ва АПЛдаги ВАР ҳақида: "Баъзи жойларда қўл билан ўйин фарқ қилади. Ҳар бир мамлакатда турли саволлар бўйича чалкашликлар бор"

Олдинроқ, Микель Артета "Ньюкасл"га қарши баҳсда Стюарт Эттуэлнинг голни ҳисобга олиш қарорини жиддий танқид қилганидан сўнг, "Арсенал" АПЛда ҳакамликни яхшилашга чақирди.

АПЛ ва ЧЛдаги ВАР ҳақида

"Фарқ бор. Баъзи жойларда қўл билан ўйин фарқ қилади.

Фикримча, ҳар бир мамлакатда турли саволлар бўйича чалкашликлар бор. Ўйиндан кейинги мураббийларнинг ҳиссиётлари - оғир, босим катта, унга дош бериш ҳам қийин. Мен ўзим учун айтяпман, Артета ёки бошқа мураббийлар номидан эмас".

АПЛдаги ВАР энг паст даражадалиги ҳақида

"Билмайман. Ҳозир бу нозик савол. Ҳакамларга ҳам осон эмас. Бу борада нима ўйлаётганимни билмайман" - дейди "Манчестер Сити" бош мураббийи.