Гонконгдаги Месси билан бўлган можаро Аргентина терма жамоаси учун нохуш оқибатларга олиб келиши мумкин

Мессининг ўйинда иштирок этмагани Аргентина терма жамоасига зарар бўлиши мумкин.

Хабарларга кўра, Аргентина терма жамоасининг келаси ой Хитойда бўлиб ўтадиган ўртоқлик ўйинлари бекор қилиниши мумкин. Лионель Скалони шогирдлари март ойида Хитойда Нигерия ва Кот-д'Ивуар терма жамоалари билан ўйнайди, бироқ иккала ўйин ҳам ўтказилмаслиги мумкин. Қайд этилишича, ўйинлар Хитой ҳукумати томонидан бекор қилиниши мумкин.

Эслатиб ўтамиз, Месси жароҳат сабабли Гонконг юлдузлари терма жамоасига қарши майдонга тушмаганди. Ушбу воқеадан сўнг кўплаб мухлислар ташкилотчилардан норози эканликларини ва чипта пулларини қайтариб беришларини талаб қилганди.