Гиорги Папава: "Мавсумни қандай бошлаганимиз ҳақида гапиришга ҳали эрта"
07 apr 2025 15:53
News

Гиорги Папава: "Мавсумни қандай бошлаганимиз ҳақида гапиришга ҳали эрта"

Суперлиганинг 4-туридан ўрин олган ОКМК – "Динамо" (0:0) учрашувидан сўнг олмалиқликларнинг грузиялик футболчиси Гиорги Папава ўйин ҳақидаги фикрлари билан ўртоқлашди.

"Чемпионатда осон ўйинларнинг ўзи йўқ. Ҳар бир жамоага қарши бор кучни ишлатишга тўғри келмоқда. Бугун биринчи бўлимни жуда суст ўтказдик. Умуман ҳеч нарса ўхшамади. Танаффусдан сўнг эса ўйинимизни яхшилаб олдик ва вазиятлар яратдик. Афсуски, рақиб дарвозасини ишғол эта олмадик ва учрашув дуранг билан якунланди.
Биз дастлабки учрашувларда ғалаба қозондик ва бугун дуранг қайд этдик. Ҳозир мавсумни қандай бошлаганимиз ҳақида гапиришга ҳали эрта. Мавсум жуда узоқ давом этади. Муҳими, доимий тарзда ғалаба қозониш ва очколар тўплаб бориш. Шундагина мавсум сўнгида юқори ўринларни эгаллай оламиз" - дея айтиб ўтди Гиорги Папава учрашувдан якунланганидан сўнг.