Гаттузо: “Жамоа мураббийиман, демак барча жавобгарлик менинг елкамда”

“Биринчи таймда жуда ёмон ўйин кўрсатдик. “Фиорентина” билан баҳсда биринчи бўлимда кўплаб вазиятларни яратгандик, “Фрозиноне” билан матчда эса биринчи бўлимни рақибга "топшириб" қўйдик. Олдимизга қўйилган мақсад-ЕЧЛ саралаш баҳсига йўл олишимиз учун бундай ўйин кўрсатишимиз керак эмас. 

Мени ўзимни ҳолатим эмас, жамоам безовта қилаяпти. Менинг ишимни натижаларга қараб таҳлил қилишади. Кемани капитани мен, демак барча масъулият зиммамда. “Милан”ни ўйинини янада кучайтириш йўлларини топишим лозим, чунки жамоа ўз имкониятидан паст ўйин кўрсатмоқда. Биз ҳозир босим остидамиз, аммо кейинчалик кўп нарса ўзгариб кетиши ҳам мумкин”, дея Гаттузонинг сўзларидан иқтибос келтирмоқда Football Italia.