"Галатасарой" Осимхен учун 50+5 миллион евро таклиф қилди, "Наполи" кўпроқ сўраяпти

Инсайдер Фабрицио Романо маълумотларига кўра, турк клуби ҳужумчи учун 50 миллион евро ва яна 5 миллион евро бонус сифатида таклиф қилди, аммо неаполликлар кўпроқ сумма талаб қилмоқда. Шунга қарамай Осимхен "Галатасарой" билан 2028 йилгача бўлган шартномани келишиб олди.

Шунингдек, нигериялик футболчини имзолашга "Ал Ҳилол" ҳам қизиқиш билдирмоқда ва улар ўйинчи учун 75 миллион евро тўлашга тайёр, лекин Осимхен буни хоҳламаяпти.

Осимхен ўтган мавсум "Галатасарой"да ижара асосида ўйнади – Туркия чемпионатида 30 ўйинда 26 та гол урди ва 5 та голли узатма берди.