Футзал. Футбол бўйича Европа чемпионлари иштирок этган илк жаҳон чемпионати ҳақида ҳикоя қиламиз
03 aug 2024 05:20
News
Футзал. Футбол бўйича Европа чемпионлари иштирок этган илк жаҳон чемпионати ҳақида ҳикоя қиламиз
Футзал бўйича биринчи жаҳон чемпионатига 1989 йилнинг 5–15 январь кунлари Нидерландия мезбонлик қилди.
Турнирда иштирок этиш учун Европадан 6 та, Жанубий Америкадан 3 та, Шимолий Америка, Африка ва Осиёдан 2 та ва Океаниядан 1 та, жами 16 мамлакат таклиф этилган.
Ўша йили Нидерландия футбол ассоциацияси ўзининг юз йиллигини ҳам нишонлаган, шу сабабли ҳам мусобақа икки ҳисса байрамона руҳда ўтган.
Мусобақа чемпиони Бразилия биринчи босқични Венгриядан учралган мағлубият (2:3) билан бошлаган бўлса-да, кейинчалик иккинчи босқичга йўл олиб, якунда олтин медалларни ўзиники қилади.
Бразилияликлар ҳал қилувчи баҳсда тўрт мингдан ортиқ томошабин қаршисида мезбон Нидерландия терма жамоасини кичик ҳисобда мағлубиятга учратди. Учинчи ўрин эса АҚШга насиб этди.
Футзал мусобақасида бир қатор профессионал футболчилар ҳам иштирок этган. Улардан энг машҳури 1992 йил футбол бўйича Европа чемпионига айланган даниялик Бриан Лаудруп эди. Лаудруп биринчи босқичнинг учта ўйинида ўз ҳисобига тўртта гол ёздириб қўйди, бироқ у ва яшил майдонда қитъа чемпионлигини қўлга киритган бир нечта шеригининг саъй-ҳаракатлари ҳам жамоасига ёрдам бера олмади.
"Турнир жуда қизиқарли бўлди, чунки бу ерда кўплаб техник маҳорат, ажойиб қобилият ва турли мамлакатларни кўришингиз мумкин эди. Биз техник жиҳат билан мақтана олмасдик. Бизни ҳар доим жисмоний, тактик жиҳатдан яхши деб билишган, аммо ушбу мусобақадан сўнг кўпчилик даниялик ўйинчиларнинг техник жиҳатдан ҳам қобилиятли эканлигига гувоҳ бўлишди", дея турнир ҳақида таассуротлари билан ўртоқлашди Лаудруп.
1-босқич
"A" гуруҳи
| Жамоа | Ўйин | Ғалаба | Дуранг | Мағлубият | Тўплар нисбати | Очко |
|---|---|---|---|---|---|---|
| Нидерландия | 3 | 2 | 1 | 0 | 10-5 | 5* |
| Парагвай | 3 | 1 | 2 | 0 | 9-4 | 4 |
| Дания | 3 | 1 | 1 | 1 | 12-10 | 3 |
| Жазоир | 3 | 0 | 0 | 3 | 5-17 | 0 |
* Авваллари ғалаба учун 2 очко тақдим этилган.
"B" гуруҳи
| Жамоа | Ўйин | Ғалаба | Дуранг | Мағлубият | Тўплар нисбати | Очко |
|---|---|---|---|---|---|---|
| Бразилия | 3 | 2 | 0 | 1 | 14-4 | 4 |
| Венгрия | 3 | 2 | 0 | 1 | 17-9 | 4 |
| Испания | 3 | 2 | 0 | 1 | 14-9 | 4 |
| Саудия Арабистони | 3 | 0 | 0 | 3 | 4-27 | 0 |
"C" гуруҳи
| Жамоа | Ўйин | Ғалаба | Дуранг | Мағлубият | Тўплар нисбати | Очко |
|---|---|---|---|---|---|---|
| Бельгия | 3 | 3 | 0 | 0 | 8-1 | 6 |
| Аргентина | 3 | 2 | 0 | 1 | 6-5 | 4 |
| Канада | 3 | 1 | 0 | 2 | 7-7 | 2 |
| Япония | 3 | 0 | 0 | 3 | 3-11 | 0 |
"D" гуруҳи
| Жамоа | Ўйин | Ғалаба | Дуранг | Мағлубият | Тўплар нисбати | Очко |
|---|---|---|---|---|---|---|
| АҚШ | 3 | 2 | 1 | 0 | 10-3 | 5 |
| Италия | 3 | 2 | 0 | 1 | 12-6 | 4 |
| Австралия | 3 | 1 | 1 | 1 | 6-8 | 3 |
| Зимбабве | 3 | 0 | 0 | 3 | 3-14 | 0 |
2-босқич
"A" гуруҳи
| Жамоа | Ўйин | Ғалаба | Дуранг | Мағлубият | Тўплар нисбати | Очко |
|---|---|---|---|---|---|---|
| Бельгия | 3 | 2 | 1 | 0 | 9-4 | 5 |
| Нидерландия | 3 | 1 | 1 | 1 | 8-6 | 3 |
| Венгрия | 3 | 0 | 2 | 1 | 6-8 | 2 |
| Италия | 3 | 1 | 0 | 2 | 5-10 | 2 |
"B" гуруҳи
| Жамоа | Ўйин | Ғалаба | Дуранг | Мағлубият | Тўплар нисбати | Очко |
|---|---|---|---|---|---|---|
| АҚШ | 3 | 3 | 0 | 0 | 10-4 | 6 |
| Бразилия | 3 | 2 | 0 | 1 | 14-9 | 4 |
| Парагвай | 3 | 1 | 0 | 2 | 5-10 | 2 |
| Аргентина | 3 | 0 | 0 | 3 | 7-13 | 0 |
Ярим финал
Бельгия — Бразилия 3:3 (пен. 3:5)
АҚШ — Нидерландия 1:2
3-ўрин учун
Бельгия — АҚШ 2:3 (қўшимча вақт)
Финал
Бразилия — Нидерландия 2:1
Мезбон мамлакат: Нидерландия
Турнир ўтказилган шаҳарлар: 5 (Амстердам, Арнем, Леуварден, Хертогенбоса ва Роттердам)
Турнир ўтказилган сана: 5–15 январь, 1989 йил
Иштирокчилар: 16 (6 қитъадан)
Мухлислар ташрифи: 86500 (ҳар ўйинга 2163)
Урилган голлар: 221 (ҳар ўйинга 5.53та гол)
Тўпурар: Ласло Цаданьи (Венгрия, 7та гол)
Энг яхши ўйинчи: Виктор Херманс (Нидерландия)
"Fair-Play" соврини: АҚШ
Оқил Абдубарноев тайёрлади.
Similar news
championat.asia
Англия кубоги. "Ман Сити" иродали тарзда "Борнмут"ни мағлуб этиб, ярим финалга йўл олди. Сариқ карточка олган Ҳусанов танаффусда захирага олинди
Суперлига. "Динамо" сафарда "Пахтакор"ни мағлуб этиб, турнир жадвалининг учинчи ўрнига кўтарилиб олди
"Насаф" — "Нефтчи" ўртасидаги турнинг марказий учрашувида ҳисоб очилмади. Фарғоналиклар қаторасига учинчи баҳсда ҳам дуранг ўйнашди
Ла Лига. Даҳшатли ўтган ўйинда Беллингемнинг голи ва Мбаппенинг дубли "Реал"га "Леганес" устидан ғалабани тақдим этди
Comments