Футзал бўйича Ўзбекистон миллий терма жамоаси “Чкалов Кубоги” мусобақасидаги иштирокини бошлади
30 aug 2019 10:33
News

Футзал бўйича Ўзбекистон миллий терма жамоаси “Чкалов Кубоги” мусобақасидаги иштирокини бошлади

Октябрда бўлиб ўтадиган футзал бўйича Осиё чемпионати-2020 саралаш баҳсларига ҳозирлик олиб бораётган Ўзбекистон миллий терма жамоаси Россиянинг Нижний Новгород шаҳрида ўтказилувчи халқаро мусобақада иштирок этиши ҳақида хабар берган эдик.

Бугундан Нижний Новгородда 3-марта ташкил этилаётган “Чкалов Кубоги” мусобақаси старт олди. Унда Баҳодир Аҳмедов бошчилигидаги футзал бўйича Ўзбекистон миллий терма жамоаси ҳам иштирок этмоқда.

Мусобақада бош соврин учун шунингдек, Россия U-19 терма жамоаси, “Спартак” (Москва) ҳамда “Оргхим” (Нижний Новгород) футзал клублари баҳс олиб боришади. Ҳар бир жамоа мусобақа давомида 3 тадан ўйин ўтказади.

Терма жамоамиз илк ўйинни "Оргхим" клубига қарши ўтказди ва 1:3 ҳисобида имкониятни бой берди.

“Чкалов Кубоги” мусобақаси
29 август – пайшанба
"Оргхим" – Ўзбекистон 3:1
Голлар: Сергей Денисов, Александр Сурик, Рустам Умаров (автогол) - Ҳусниддин Нишонов.