Футзал. Баҳодир Аҳмедов: "Японияни мағлуб этишга ҳаракат қиламиз"

Эслатиб ўтамиз, 1 май куни ўтказилган баҳс 2:2 ҳисобида якун топди.

Рустам Исаев (Қирғизистон терма жамоаси бош мураббийи):

- Шогирдларим кўрсатган ўйиндан кўнглим тўлди. Учрашув биз учун осон кечмади, аммо йигитлар ўз иродаларини кўрсатиб, мағлубиятдан қутилиб қолишга эришишди. Албатта, 0:2 ҳисобидан кейин дуранг натижани қўлга киритиш жуда ёқимли. Ўзбекистон жуда кучли жамоа ҳисобланади ва бундай рақибга қарши ўйнаш доимо қийин бўлади. Умид қиламанки, кейинги ўйинларда биз яхши натижа кўрсатиб, гуруҳ босқичидан плей-оффга йўл оламиз.

Баҳодир Аҳмедов (Ўзбекистон терма жамоаси бош мураббийи):

- Ғалабани қўлдан чиқарганимиз жуда ачинарли. Рақиб ўйини менда яхши таасурот қолдирди. Очко йўқотганимизга қарамай, кейинги ўйинларга жиддий қараймиз ва гуруҳдан чиқиш учун курашамиз. 2-турда биз Японияга қарши ўйнаймиз. Бу жамоанинг кучига ҳеч ким шубҳа қилмайди, аммо биринчи ўйинимиздаги хатоларимизни кўриб чиқиб, Японияни мағлуб этишга ҳаракат қиламиз.