Футзал. "Ал Маядин" - "Олмалиқ" 2:2
16 jul 2016 16:35
News
![](https://championat.asia/upload/storage/215550_original.jpg)
![](/upload/storage/215550_220.jpg)
Футзал. "Ал Маядин" - "Олмалиқ" 2:2
Мусобақада мамлакатимиз номидан иштирок этаётган "Олмалиқ" бу турда Ливан чемпиони "Ал Маядин"га қарши баҳс олиб борди. Афсуски, "Олмалиқ" бу ўйинда ҳам ғалаба қозона олмади, 2:2 ҳисобидаги дурангдан кейин эртанги ўйинни кутишга мажбурмиз.
Клублар ўртасидаги Осиё чемпионати
"B" гуруҳи
2-тур, 16.07.2016
"Ал Маядин" - "Олмалиқ" 2:2
Бангкок, "Bangkok Arena"
Голлар: Ҳ.Такажи 4, 20 - Ж.Шарипов 3, К.Свиридов 31
"Ал Маядин" (биринчи бешлик): 3.Ҳуссеин Ҳамадани, 9.Муҳаммад Кобеиси, 10.Самер Насер Ал Дин, 11.Ҳолид Такажи, 12.Али Тнеич.
Захира:
1.Маҳмуд Нуреддин, 2.Маҳди Алами, 4.Муҳаммад Ажами, 5.Ҳамза Ассаф,
6.Муҳаммад Боусси, 7.Ҳассан Зеитун, 13.Жад Абдаллаҳ, 14.Драган Томич.
"Олмалиқ" (биринчи бешлик): 1.Рустам Умаров, 2.Фарҳод Абдумавлонов, 4.Шуҳрат Тожибоев, 10.Жамолиддин Шарипов, 14.Константин Свиридов.
Захира:
3.Феруз Фахриддинов, 5.Мақсуд Файзуллаев, 6.Жавлон Аноров, 7.Хуршид
Умаралиев, 8.Жасур Содиқов, 9.Андрей Шлема, 13.Даврон Чориев, 11.Суннат
Куралов, 12.Клим Тюгаев.
Огоҳлантиришлар: Д.Томич 30 - Ш.Тожибоев 8, К.Свиридов 14, Д.Чориев 38
МАТНЛИ ТРАНСЛЯЦИЯ
Учрашув якунланди. Ушбу дурангдаг сўнг "Олмалиқ"нинг кейинги босқичга чиқиши ўз қўлида эмас. Эртанги ўйинни кутамиз.
40 - Ўйин тугашига 50 сония қолганда "Олмалиқ"да хҳам бешинчи фол.
38 - Чориев огоҳлантирилди.
38 - Тнеич икки ўйинчидан қочиб кетди, бу сафар ҳам Умаров ўз ўрнида.
36 - Абдумавлоновнинг зарбаси дарвоза тўрига ташқи томондан тегди.
35 - Ливанликлар устози тайм-аут олди.
34 - "Ал Маядин" бешинчи фолни ишлатди, кейингиси улар учун дабл пенальти бўлади. Энди рақибга босим уюштириш керак, токи улар воида бузишга мажбур бўлишсин.
33 - Такажи икки ўйинчимиздан қочиб кетиб зарба беришга уринди.
31 - Гоооооооооооллллллл, Свиридоввввввввв, 2:2. Аввалига Шариповнинг зарбасини дарвозабон қайтарди, қайтган тўпни Костя дарвозага киритиб юборди.
31 - Зарбааа, Абдумавлоновнинг уринишидан кейин тўп дарвоза тўсинига тегиб қайтди.
30 - Шариповга нисбатан ишлатилган фол учун Драган Томич огоҳлантирилди.
29 - Зарбааа, Аноровнинг кучли зарбасини Ҳамадани қайтариб қолди.
28 - Томичнинг зарбасини Умаров қайтарди.
27 - Зарбааа, Али Тнеич бўм-бўш дарвозага ярим метрдан тўпни кирита олмади... Ҳаа, "Олмалиқ"ни омад қутқарди ҳозир.
26 - Костянинг зарбасини дарвозабон Ҳамадани қайтарди.
25 - Тожибоев ва Такажи ўзаро келишолмай қолишди.
24 - Томич 3 нафар футзалчимиз орасидан чиқиб кетиб салгина ноаниқ зарба берди.
24 - "Олмалиқ" учичнчи фолни ишлатди, фолларга "ўтириб" қолиш хавфли...
22 - Тожибоевнинг пасидан сўнг Свиридов тўпни дарвозага тўғрилаб қўя олмади.
22 - Ливанликлар легионери Драган Томичнинг зарбаси бироз ноаниқ чиқди.
Иккинчи бўлим бошланди. Давом этамиз.
Жамоалар майдонга қайтишди. "Олмалиқ" гол уриши шарт, акс ҳолда мусобафа билан муддатидан аввал хайрлашади. Жамоамизга 2-бўлимда омад тилаб қоламиз.
Биринчи бўлим якунланди.
20 - Свиридов тўпни олдириб қўйди, бу сафар ҳам шерикларининг хатосини Рустам Умаров "ёпди".
18 - Қоида бузишлар бўйича ҳисоб 3:5. "Олмалиқ" учун кейинги фол дабл пенальтига айланади.
17 - Бугун олмалиқликлар тўпга тўхтатмай зарба беришда кўп бор муаммоларга дуч келишмоқда.
16 - "Олмалиқ"да тўртлик алмашди.
15 - Умаров олдинга чиқиб борди ва хавфни бартараф этди.
14 - Свиридов огоҳлантирилди.
14 - Шариповнинг ўткир бурчакдан йўллаган зарбасини дарвозабон уриб юборди.
14 - Тайм-аут.
13 - Аноров ҳужум пайти тўпни олдириб қўйди, қарши ҳужумда аввалига Умаров қутқарди, кейин эса ливанлик ўйинчи деярли бўш қолган дарвозага ноаниқ зарба берди.
12 - Аноровнинг пасидан сўнг Тнеич тўпни қайтарди ва ўзи дарвоза ичига кириб кетди. Ўша ерда қолиб кетсанг ҳам майли )
10 - Али Тнеичнинг жуда кучли ва аниқ зарбасини Умаров уриб юборди.
10 - Даврон Чориев битта ҳимоячини чиройли усулда ортда қолдирди ва зарба берди, дарвозабон ўз ўрнида.
"Bangkok Arena"даги мухлислар
Устунлик рақиблар томонга ўтди.
8 - Шуҳрат Тожибоев огоҳлантирилди.
8 - "Ал Маядин" футзалчисининг зарбаси тўсинга тегиб қайтди.
6 - Чориев тўпни рақибга олдириб қўйди, қарши ҳужумда эса Умаров қутқарди.
4 - Гол, Ҳолид Такажи, 1:1. Ливанликлар ҳисобни тенглаштиришди.
3 - Гооооооооолллллллллл, Жамолиддин Шариповвв, 0:1. Абдумавлоновнинг пасидан кейин Шарипов ҳисобни очди.
3 - Зарбааа, Свиридовнинг ажойиб зарбасидан сўнг тўп дарвоза устунига тегиб қайтди. Зарбанинг кучидан дарвоза жойидан силжиб кетди.
2 - Свиридовнинг зарбасини дарвозабон қайтарди.
Учрашув бошланди. Уни ливанликлар бошлаб беришди.
"Олмалиқ" жамоаси.
- Клублар жамоавий суратга тушишмоқда.
- Жамоалар чигалёзди машқларини тугатиб, кийиниш хонасига кириб кетишди. Мураббийлар ўйиндан аввал сўнгги кўрсатмаларни беришади.
Учрашувни бевосита томоша қилишни истаган мухлислар учун линк, видео TAS-IX ҳудудида эмас.
Ливанликларнинг чигалёзди машқлари...
- "Ал Маядин" клуби "Jako", "Олмалиқ" эса "Nike" фирмаси формаларида ҳаракат қилади.
Жамоалар ўйиндан олдин чигалёзди машқларини қилишмоқда.
- "Ал Маядин" - "Олмалиқ" учрашуви Тошкент вақти билан 15:00да бошланади. Александр Петров бугун биринчи бешликда битта ўзгариш қилган, кечаги ўйинда биринчи бешликда бўлган Даврон Чориев ўрнини бугун Жамолиддин Шарипов эгаллайди.
Similar news
![AMP Logo](https://championat.asia/image/logo-amp.png)
Comments