Футбол агенти: "Локомотив" Славко Дамьяновичга бу йил умуман ойлик бергани йўқ"

"Хайрли кун, менининг исмим Игорь Петкович, 2010-2014 йилларда Ўзбекистонинг "Машъал", "Олмалиқ" ва "Нефтчи" клубларида ўйнаганман.

Айни пайтда "Локомотив" клуби аъзоси Славко Дамьянович ҳақида маълумот бермоқчиман. Футболчи 2 январь куни клубнинг БААдаги йиғинига қўшилганди, ҳозир 17 апрель. Бугунга қадар "Локомотив" унга бирон марта ойлик бермади, квартира учун ҳам пул беришмади. Славконинг хотини ва боласи ҳам Ўзбекистонда. Клубдаги бошқа футболчиларга раҳмат, унга ёрдам бериб туришибди. "Локомотив" клубига бу вазиятда уят бўлиши керак. Қандай яшаётгани борасида билиш учун Славкога жамоадан ҳеч ким қўнғироқ ҳам қилмаяпти. Коронавирус туфайли ҳозир авиақатновлар тўхтатилган. Агар очиқ бўлганида самолётга ўтириб уйга қайтарди. Сизлардан ушбу маълумотни сайтга жойлашингизни сўрайман", - деб ёзади Игорь Петкович.

Эслатиб ўтамиз, апрель ойи бошида "Бунёдкор" клуби ҳам 2020 йил давомида умуман ойлик маош олишмагани ҳақида хабар чиққанди. 14 апрель куни ПФЛ бош директори ўринбосари Диёр Имомхўжаев "Бунёдкор" клуби ходимлари ва футболчиларга январь ойи ойлиги тўлагани ҳақида ёзганди. 

Championat.asia сайти ўзбек клубларида ўйнаётган ва ишлаётган инсонларни эшитишга доим тайёр. Ойликлар билан боғлиқ муаммолар бўлса сайтимизнинг инстаграмдаги расмий саҳифасига ёзинг. Маълумот берган шахс анонимлиги сақлаб қолинади.