Фурқат Ўролов: "ПФЛга бу йил бадал пули тўламаганимиз рост"
27 aug 2014 14:50
News

Фурқат Ўролов: "ПФЛга бу йил бадал пули тўламаганимиз рост"

Биринчи лига иштирокчиси "Ғаллакор-Автомобилчи" жорий мавсум моддий жиҳатдан бироз қийналиб қолган кўринади.

Тақвимга кўра эртага ўз майдонида "УзДонгЖу"ни қабул қилиши лозим бўлган жамоа, ПФЛ қарорига кўра бу ўйинни ўтказа олмайди. Бунинг сабабларини билиш мақсадида бош мураббий Фурқат Ўролов билан боғландик.

- Ҳа, чиндан ҳам "УзДонгЖу" билан ўйин ўтказилмайдиган бўлди", - дея гап бошлади Ўролов. - ПФЛ шундай қарор келди. Чунки бу йил бадал пулини тўламасдан ўйнаётгандик. ПФЛга учрашувни ўтказишни ва кейинроқ бадал пулини ўтказиб беришни айтиб мурожаат қилганимизда, барибир руҳсат бермади. Бадал пули 20 миллион сўмни ташкил этади. Бунгача бадал учун умуман пул ўтказа олмай иштирок этиб келаётгандик. Бадал пулини тўлаш мақсадида туман ҳокимлигига мурожаат қилдик.

Туманимизда футболни жуда севишади. Қолаверса жамоамиз ҳам биринчи лиганинг доимий иштирокчисидир. Шу боис умид қиламизки, раҳбарларимиз ушбу муаммони ижобий ҳал этиб беради, - дейди "Ғаллакор-Автомобилчи" бош мураббийи.

Link :

Source : championat.asia

Receive latest football news directly on your phone. Subscribe for our Telegram channel!

Rating: